Als Gäscht sind da Karl-Heinz Sutter und d Heike Kertel vo da Schlossnarra, da Thomas Kertel als Bezirks11errot, d Erika Kawasser als Vertreateri vo da Schtadt und d Kathi Mathis und d Jasmin Bereuter vo da Nochburszunft Unterkliener ko.
Noch da Begrüaßig, da Bricht vom Obma, vom Schriftführer, vo da Chronischti, vo da Archivari, und vom Kassier heats da Bricht vo da Kassaprüfr und d da Atrag zu da Entlaschtig vo Kassier und Usschuss gia, wo alle uaschtimmig zuagschtimmt hond.
Nöü i d Zunft ufgno heat ma d Nadine Klien, wo s Prebejohr abgschlossa heat.
Is Probejohr ufgno heat ma 7 junge Lüt, wo scho bim Dorrabierer Umzug mitganga sind. As sind alle zämma mit a paar Junga vo üsara Zunft bi da Bürgermusig. Döt heat ma eana üsere Zunft schmackhaft gmacht.
D Schlossnarra hond denn Orda vrgia.
Da Patrick Metzler heat da Bronze Orda übrko. Da Claudia Wachter würd er übrgia, wänn si wiedr amol dabei ischt.
Da Guntram Heidinger heat an Silber Orda übrko. O da Bettina Aberer würd er übrgia, wänn si wiedr amol dabei ischt.
Da Stefan Mathis heat für siene langjöhrige Tätigkeit da Gold Orda übrko.
Da Schriftfüher heat dazua d Laudatien vrleasa.
Nochr ischt da Reinhard Metzler zum Ehramitglied vo da Untergässler worra.
Bim Punkt Nöüwahla heat da Obma Horst Mathis betont, dass er scho lang sis Amt abgia well und etz endli junge Nochfolger gfunda hey. Er heat etz d Zunft 9 Johr als Vizeobma und 21 Johr als Obma gführt.
D Nicole Zech heat si als Obfrou und da Patrick Metzler als Obma zur Vrfüagig gschtellt. Bede dürfend etz z Zunft mitanand führa.
Da Kassier Reinhard Metzler heat sis Amt noch 38 Johr a d Sarah Reis übrgia.
Da Gerhard Jäger macht da Schriftführer wittr mit deam junga Vorschtand.
Nochdeam vo da nöüa Führig d Beiröt vorgschtellt worra sind, sind Grußwort vo da Gäscht und a Vorschau uf die nögscht Saison ko. Nochr heats a Eassa uf d Zunftkoschta gia.
Ma ischt denn no gmüatli zämma ghockt, bis ma noch Mitternacht da nöüa Obfrou zum Geburtstag gratuliera künna heat.
Danke a dia zwoa langdieanta Horst Mathis und Reinhard Metzler, wo etz d Ämtr i jüngere Händ abgia hond und alls Guate a di nöüa, wo Oblüt und Kassierin überno hond. Nicole Zech, Patrick Metzler und Sarah Reis.