D Reis heat üs für 2 Übernachtiga gi Wian gführt.
Da Scheforganisator und Obma Horst Mathis heat a Kombi-Angebot vo da ÖBB mit Übernachtig gfunda, wo denn für üsere Zunftmitglieder usgschaffat worra ischt.
So simmr am 25.08.2017 mitm REX vo Ämbs gi Fealdkirch bummelt, zum döt in Railjet gi Wian umzschtiga.
Noch da Akunft bim Wianer Hauptbahhof hommr glei im nochgleagana Hotel „Zeitgeist“ id Zimmr künna.
Am Obad ischt an Heurigabsuch im „10er Marie“ z Ottakring ufm Programm gschtanda.
Am 26.08.2017 heat üs da Ämbser Nazionalrotsabgordnete Bernhard Themessl i da Hofburg a Führig i da Silbrkammr, da Sissi-Usstellung und durch die kaiserlichen Gemächer organisiert, zu dera er üs us terminlicha Gründ leider nit begleita künna heat.
Über Audioguide sind di uanzelna Stationa usführli erklärt worra und so heat si jeda dia Zit nia künna, wonnr brucht heat.
Für da Obad heat ma schpontan an Bsuch im Prater usgmacht. Bis döt ane heat ma am Nomittag tua künna, was ma wella heat.
Im Prater hommr s Restaurant „Zum Englischen Reiter“ gfunda, wo mit da besta Stealza vo da Stadt gworba heat.
Mir sind nit enttäuscht worra. Gliech, ob Stealza, Ripple, Schnitzle, oder andere Speisa. Alles ischt uszeichnet guat gsi.
Nochm z Morgat im Hotel „Zeitgeist“ simmr am Sunntag, 27.08.2017 mitm Railjet wiedr zrück is Ländle gfahra.
Danke an Obma Horst Mathis für di perfekte Organisation vum Usflug und am Nazionalrot Bernhard Themessl fürs organisiera vo da Führig i da Hofburg.